Како што објави вчера еМагазин, главен финансиер на бугарскиот клуб “Цар Борис Трети“, кој деновиве се отвори во Охрид е бугарскиот бизнисмен и филантроп д-р Милен Врабевски.
ПОВРЗАНИ ВЕСТИ
(Фото) ВМРО-ДПМНЕ: Милен Врабевски, финансиерот на бугарските клубови бил гостин на Заев во Владата
Кој го финансира бугарскиот клуб “Цар Борис Трети“ во Охрид?
Кој е Врабевски
Врабевски е основач и директор на бугарската клиника „Комак Медикал“, која работи на проекти за истражување и развој во клиничката медицина. Компанијата спроведува истражување во 28 земји, покривајќи ја Европа, Азија и Северна Америка.
Врабевски е сопственик и на образовниот институт „Цар Симеон Велики“.
Во 2010 година, Врабевски ја основал музичката продуцентска куќа “Интелигент мјузик“ за популаризација на современата бугарска музика и култура.
Врабевски е основачки претседател и на Фондацијата “Бугарска меморија“, основана во 2007 година, преку која денеска финансиски помага бугарски клубови во Македонија, но и во Албанија.
За “браќата и сестрите“ од Македонија
На македонската јавност, Врабевски и стана познат кога за време на ковид-пандемијата организираше вакцинирање против Ковид-19 за “браќата и сестрите“ од Македонија во Бугарија, промовирајќи ја тезата на официјална Софија дека во Македонија има 120 илјади бугарски државјани.
Освен на бугарскиот клуб „Цар Борис Трети“ во Охрид, тој е главен спонзор и на клубот „Ванчо Михајлов“ во Битола, а како што изјави по неговото отварање таму го платил дури и коктелот.
Активен е и во барањето “Бугари“ во Албанија, иако тамошното население му вели дека се Македонци, како што има изјавено и самиот, тој не се откажува, како што вели, од „помагање“.
ПОВРЗАНИ ВЕСТИ
Кој е Томе Блажевски, претседателот на бугарскиот клуб „Цар Борис Трети“, кој се отвори во Охрид
(Видео) И во кафана се славеше отварањето на бугарскиот клуб во Охрид
Седиштето на бугарскиот клуб во Охрид веднаш до куќата каде Колишевски е осуден на смрт
Фото: Комак Медикал