Главен финансиер на бугарскиот клуб “Цар Борис Трети“, кој деновиве се отвори во Охрид е основачот и директорот на бугарската клиника „Комак Медикал“, д-р Милен Врабевски.
И Врабевски беше меѓу официјалните гости на свеченото отворање на вториот бугарски културен клуб во Македонија.
ПОВРЗАНИ ВЕСТИ
Кој е Томе Блажевски, претседателот на бугарскиот клуб „Цар Борис Трети“, кој се отвори во Охрид
Кој е Врабевски
На македонската јавност, бугарскиот филантроп Врабевски и стана познат кога за време на ковид-пандемијата организираше вакцинирање против Ковид-19 за “браќата и сестрите“ од Македонија во Бугарија.
Тој е основач и претседавач и на Фондацијата “Бугарска меморија“, основана во 2007 година и важи за главен поддржувач на бугарските здруженија во Македонија, меѓу кои и на здружението „Ванчо Михајлов“ во Битола.
Зголемени државните средства за подршка на Бугарите во странство
Приватните фондации, како таа на Врабевски, кои последниве години се многу активни во Македонија, но и во Албанија, не се единствениот приход за бугарските здруженија.
Тие добиваат пари и од државата.
Комитетот за политики за Бугарите во странство годинава повторно ја зголеми финансиската помош и одобри 400.000 евра за поддршка на организациите на бугарските заедници во Албанија, Србија, Косово, Молдавија и Македонија.
Во 2020 година за нив беа наменети 250.000 евра, а во 2021 година, сумата за 40 проекти, се зголеми на 300.000 евра.
ПОВРЗАНИ ВЕСТИ
Седиштето на бугарскиот клуб во Охрид веднаш до куќата каде Колишевски е осуден на смрт
(Видео) И во кафана се славеше отварањето на бугарскиот клуб во Охрид
(Видео) Јајца и камења за новиот бугарски клуб во Охрид, спречен инцидент
Фото: „Комак Медикал“/Фејсбук/Цар Борис