Целосната постапка за издавање на еврообврзницата ќе биде извршена по спроведување на административните процедури, кои подразбираат и мислење од новиот министер за правда, информираат од Министерството за финансии (МФ).
-Веднаш по изборот на новиот министер за правда ќе се одржи нова аукција.
За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики, соопштија од Министерството за финансии.
Оттаму потсетуваат дека согласно процедурата за избор на нови министри во Владата, Собранието на 13 февруари 2023 година прими оставки од четворица министри, меѓу кои и министерот за правда, кои се прифатени од Собранието.
– Законски, за издавање на еврообврзницата, потребно е мислење на министерот за правда, кој е меѓу министрите кои поднесоа оставки до Собранието, истакнаа од МФ.
ПОВРЗАНИ ВЕСТИ
Издадена деветта еврообврзница во износ од 600 милиони евра за отплата на стари долгови