Известувачот во Европскиот парламент за Македонија, Илхан Ќучук, побара официјално одложување на гласањето за извештајот во Европскиот парламент, што беше закажано за крајот на јуни, соопштија од прес-службата на Ќучук.
-Убеден сум дека претстојниот период пред гласањето на извештајот ќе биде сериозен тест за политичката елита во Северна Македонија и ќе ја измери подготвеноста на земјата да продолжи по патот на европската интеграција, преку спроведување на неопходните уставни измени.
Во спротивно, критичарите кои не веруваат во европските аспирации на Северна Македонија, може да излезат дека се во право. И во двете опции, Европскиот парламент ќе има јасна линија по која ќе го гласа извештајот со големо мнозинство наесен, вели Ќучук.
Според известувачот на ЕП за Македонија, одложувањето на гласањето ќе помогне за постигнување конструктивен дијалог и во комисијата за надворешни работи на ЕП ќе придонесе за зацврстување на довербата меѓу Македонија и Бугарија, како две соседни земји, кои имаат заедничка иднина и стремеж во европското семејство.
МИА/Фото: Унсплеш