Демократско движење, Движењето Беса и Алтернатива формираа коалиција на опозицискиот албански фронт „Европски сојуз за промени“, со која заедно ќе настапат на престојните парламентарни избори.
Претседателот на Алтернатива, Африм Гаши изјави дека оваа здружена албанска коалиција ќе се бори против корупцијата и „останува цврсто на своите заложби за брза интеграција на Македонија во Европската Унија.“
„Крајно време е да се тргне навредливата формулација „јазикот кој го зборуваат 20 проценти од граѓаните“ со албански јазик,“ изјави Гаши.
Лидерот на Демократско движење, Изет Меџити, очекува Европскиот сојуз за промена да окрупнува дополнително.
„Вратата е отворена за сите слободоумни индивидуи, луѓе со интегритет, невладини организации, но и политичари и партии кои се подготвени со нас да ги споделат идеолошките вредности и програмски приоритети на кои почива оваа коалиција,“ рече Меџити.
Фото: Фејсбук/Меџити