Швајцарската влада ќе помага во решавањето на долгогодишниот проблем со собирање и депонирање на цврстиот отпад во Полошкиот регион. Преку грант се обезбедени 7,9 милиони швајцарски франци, кои што ќе се реализираат во две фази.
Првите две години ќе се работи на нова регулатива за управување со отпад во општините на Полошкиот плански регион, согласно европските стандарди како и подобрување на организацијата на регионалните и локалните системи за одлагање на отпадот.
Во втората фаза, во наредните четири години се планира реализација на регионални инвестициски мерки и потребната институционална поддршка-регионална депонија и друга инфраструктура и опремување на јавните претпријатија.
400.000 евра се обезбедени за реконструкција на патот до регионалната депонија Русино.
Фото: Фејсбук-профил на Огнен Чанчаревиќ