Автобусите на Јавното сообраќајно претпријатие Скопје (ЈСП) утре ќе возат само до 9 часот наутро, а потоа ќе повлечаат, најавија од Синдикот на ЈСП.
Автобусите нема да возат се додека не се донесе одлука на седницата на Советот на Град Скопје за исплата на декемвриската плата и на субвенциите од 11 милиони евра за претпријатието, кои треба да овозможат редовна исплата на платите за вработените за 2024 година.
Редовно ќе сообраќаат само комбињата за превоз на лица со посебни потреби и автобусите кои вршат организиран превоз за ученици за кои ЈСП има договор со училиштата и општините.
За утре е закажана вонредната седница на Советот на Град Скопје на која како единствена точка на дневен ред се токму субвенциите за ЈСП.
ПОВРЗАНИ ВЕСТИ
Ќе остане ли утре Скопје повторно без јавен превоз, автобусите на ЈСП нема да возат