Пратеникот на ВМРО-ДПМНЕ, Сашо Василевски, кој е обвинет за настаните во македонското Собрание од 27. април, излегува од куќен притвор откако Кривичниот совет на Основниот суд Скопје 1 ја прифати понудената гаранција во недвижен имот, информираат од Судот.
„Кривичниот совет на одделението за Организиран криминал и корупција при Основниот суд Скопје 1 – Скопје, постапувајќи по предлог на одбраната С.В., обвинет во предметот КОК бр. 40/18 поврзан со настаните од 27.04.2017 година во Собранието на Р.М., по претходно дадено позитивно мислење од надлежното обвинителство,донесе решение со кое ја уважи понудената гаранција во недвижен имот и ја укина мерката куќен притвор, а заради обезбедување присуство во текот на постапката му определи мерки за претпазливост и тоа Обврска на обвинетиот повремено да се јавува на овластено службено лице во судот во Охрид и привремено одземање на патната исправа како и забрана за издавање нова“, соопшти Кривичниот суд.
Василевски сега ќе може да присуствува на пленарните седници во Собранието.
Во куќен притвор и понатаму остануваат обвинетите за истиот случај, пратениците Крсто Мукоски и Љубен Арнаудов, кои исто така имаат поднесено барање за укинување на оваа мерка.
ПОВРЗАНИ ВЕСТИ
Пратеникот Василевски не одговара дали ќе гласа за уставните измени, Аранудов немал размислувано
Избори или промена на Уставот: СДСМ и ВМРО-ДПМНЕ блиску или далеку до договор?
(ВИДЕО) Простување или амнестија: Кој го разбра Заев што сака да каже?