Денеска во Министерството за енергетика, рударство и минерални суровини беше потпишан договорот за изградба на македонскиот дел од гасоводниот интерконектор Македонија – Грција, проект од стратешко значење за енергетската иднина на земјата и регионот.
Интерконекторот, на потегот од Гевгелија до Неготино, во должина од 68 километри на територијата на земјава, ќе овозможи транспорт на природен гас и водород, придонесувајќи кон енергетска безбедност, намалување на загадувањето и забрзување на транзицијата кон зелени извори на енергија.
Истиот ќе го гради кумановската фирма „Рапид билд“ ДОО.
Целосната изградба треба да заврши за 22 месеци и тој да биде ставен во функција во 2027 година.
Изградбата на интерконекторот е финансирана од Владата, Европската инвестициска банка и Европската банка за обнова и развој, а чини 59,9 милиони евра или 12 милиони помалку од првичната цена на поништениот тендер.
Фото: Влада