Деновиве, откако снегот ни направи проблеми по регионалните и локалните патишта (срам да му е, заврна во јануари), Македонија пат си останува дежурниот виновник за неисчистените сообраќајници.
Колку се ажурни, во тоа се уверуваме секоја година.
За чистењето на улиците во општините пак, е задолжена локалната самоуправа. Па како тоа изгледа во другите градови, видовме од една фотографија споделена на социјалните мрежи, за која се негодува и тоа со право, дека во 2019 година, ризла и сол се уште фрлаат со лопати од трактор.
За механизација и некои посовремени алати, ќе почекаме. За властите, функционалноста на одредни општини можеби се мери преку некои „виши математики“, а за нас обичните граѓани преку ваквите секојдневни глетки.
Веројатно Кочани не е единствената општина кој на овој начин го одмрзнува снегот, па затоа за сите ќе посакаме Среќна Нова 2019 година.
Фото: Никола Денковски