Заев вели дека албанскиот јазик е втор официјален јазик, соопштението на Владата кое го негира тоа не го прочитал

Премиерот Зоран Заев во емисијата „200“ на Алсат М, рече дека албанскиот јазик е втор официјален јазик во земјава, појаснувајќи дека тоа го предвидува и македонскиот Устав и законите.

„Албанскиот е втор, а македонскиот јазик е прв официјален јазик во Македонија и единствен официјален за меѓународна употреба. Употребата е јасно разграничена“, рече Заев.

На прашањето на уредникот на емисијата, новинарот Назим Раиди, зошто тогаш од Владата испратиле соопштение дека македонскиот јазик е единствениот официјален јазик, Заев одговори дека не го прочитал соопштението.

Во врска со Законот за употреба на јазиците рече и дека нема дилема дека е уставен, а и дека при следното отварање на македонскиот Устав, албанскиот јазик ќе стане дел од истиот.

ПОВРЗАНИ ВЕСТИ

Колку ќе чини спроведувањето на двојазичноста: Само за Агенцијата за јазици предвидени 8 милиони, а за инспекторатот 7 милиони денари

Џафери до крајот на месецот ќе почне на албански да ги води пленарните седници

Манипулирање со граѓаните: Во Владата изгледа не го прочитале Законот за употреба на јазиците

Од Владата велат дека македонскиот јазик е единствен службен јазик на целата територија на РМ и во нејзините меѓународни односи

Фото: Влада