Археологот и директор на ХАЕМУС, Василка Димитровска на својот Фејсбук профил направи паралела помеѓу значењето што Нотр-Дам во светот и некои од нашите споменици кои датираат од тој период.
„Коментирате за #NotreDameDeParis дека е страшно! Се разбира, страшно е кога 850 година на историја ќе го снема за миг во пламен. Трагедијата на еден ваков споменик е немерлива во нашата човечка димензија.
Но не Ве гледам да коментирате за Курбиново, Перивлепта, Шарената џамија и многу други наши спомениците кои се еднакво стари и важни за светското културно наследство, а пропаѓаат. Колку за споредба, Нотр дам (1163) е скоро со иста датација како и Пантелејмон во Нерези (1164).
Како што сите оние кои немаат слика со готската катедрала се важи дека не биле во Париз, така за мене сите оние кои немаат слика од Пантелејмон, не биле никогаш во Скопје.
Се подразбира дека треба мошне внимателно да се постапува со културното наследство, токму поради вакви причини. Со секое снемување на некој споменик, исчезнува и дел од колективната меморија врз која почиваат современите општества. Затоа, почитувајте го другото, но гордејте се со сопственото културно наследство“, вели Димитровска.
ПОВРЗАНИ ВЕСТИ
(ВИДЕО) Катедралата Нотр-Дам е спасена, пожарот не бил подметнат
(Видео) Гори симболот на Париз, катедралата Нотр-Дам
Фото: Википедија