Собранието на акционери на „Мермерен комбинат“ АД Прилеп одлучи добивката од 2018 година во износ од 1.403.557.613 денари (22.817.952 евра) да се распредели во бруто дивиденда за обични акции, соопшти компанијата преку Македонската берза.
„Износот на бруто дивиденда за една обична акција изнесува 4,869 евра. Последен ден за тргување со право на дивиденда е 24.04.2019 година. Прв ден на тргување без право на дивиденда е 25.04.2019 година. Датумот на евиденција според кој се определува листата на акционери кои имаат право на дивиденда е 30.04.2019 година. Исплатата на дивидендата ќе започне на 02.05.2019 година и ќе се изврши согласно позитивните законски прописи. Делот од реинвестираната добивка во износ од 253.579.116 денари кој не беше искористен во 2018 година се пренесува во акумулирана добивка“, соопшти компанијата.