Пејачката Тамара Тодевска, на својот Фејсбук профил се извини што синоќа на приемот на Амерканската амбасада го изостави делот од македонската химна со Гоце Делчев, Даме Груев, Јане Сандаски и Питу Гули.
“Дозволете ми од дното на моето срце да ви се извинам за вчерашната грешка.
Не постои поголема чест за еден уметник од пеењето на националната химна и токму поради тоа и ја прифатив поканата од амбасадата на САД.
Не постојат зборови со кои можам да ја опишам мојата тага поради пропустот што го направив при пеењето на химната.
Понесена од емоции и од целокупната еуфорија, за жал, ненамерно изоставив дел од химната.
Уште еднаш Ви се извинувам за оваа грешка и се надевам дека ќе најдете простор во вашите срце да ми простите“, напиша таа.
ПОВРЗАНИ ВЕСТИ
Американската амбасада се извини за пропустот со македонската химна
Македонската химна веќе трпела промени: Познати три верзии
Фото: Eurovision Song Contest