„Tриглав Осигурување“ АД, Скопје заклучно со 30.06.2019 година оствари нето добивка од работењето во износ од 3.527.000 денари, соопшти компанијата преку Македонската берза
„Нето приходите од премија заклучно со 30.06.2019 година изнесуваат 546.108.000 денари, што во однос на 2018 година претставува намалување за 11,2%, односно за 60.024.000 денари.
Гледано аналитички, причините за намалувањето се: пад на бруто премијата за 50.044.000 денари, што делуваше негативно на нето приходите од премијата, раст на премијата предадена во реосигурување и соосигурување за 92.470.000 денари, што делуваше негативно на нето премијата, промената во нето резервите за преносна премија, во споредба со 2018 година влијаеше позитивно за 82.491.000 денари“, информираат од компанијата.