На 08.09.2019 во 22,40 часот во Полициска станица Струга, било пријавено дека на улица „Сергеј Есенин“ од струен удар бил погоден Е.А.(18) од Струга откако се допрел со раката до диво поставени метални шипки од продавница за сувенири кои биле под напон.
Стружанецот одбил да му се изврши лекарски преглед, појаснувајќи дека се чувствува добро и нема потреба од лекарска помош, информира МВР.
Полициски службеници кои излегле на местото на настанот констатирале дека од страна на Е.А.(40) од Струга, сопственик на продавница за сувенири има диво поставени метални шипки во земја кои допирале електричен кабел под напон.
Од екипа од ЕВН Струга отстранети се металните шипки. Од МВР додаваат дека по целосно документирање на случајот ќе следува соодветен поднесок.
Фото: Општина Струга