Анкетата на vrabotuvanje.com.mk покажа дека Алкалоид АД Скопје е најпосакувана компанија за вработување во Македонија.
Дури 41%од испитаниците се изјасниле дека би работеле во Алкалоид.
Порталот vrabotuvanje.com.mk издвојува и дел од бројните позитивни коментари за компанијата: „Алкалоид ќе ја изберам, бидејќи е компанија со долгогодишно искуство и економски одржлива на пазарот, со развиен систем на општествена одговорност. Грижата за здравјето на сите луѓе, а посебно здравјето на децата, ја прави сама по себе „благородна“ работа. Во време на економска криза и пандемија во светски размери, води грижа за здравјето на своите вработени, нивните семејства и наоѓа начин за навремена исплата на плати, нови вработувања, мотивација на вработени и нивен постојан развој. Сметам дека во оваа компанија можам многу да научам и да допринесам во иднина“.
„Затоа што е една од најдобрите и најодговорните фирми во Македонија и во Европа. Остава простор за развој на младите и поголем интерес кон целта во нивниот живот“.
Втора е Макпетрол со 14%, а трета ЕВН Македонија со 12% од гласовите на испитаниците.