еМагазин
Image default
МОЈ СТАВ ТОП СТОРИИ

Антиваксери каде сте: По третата жртва од морбили, подобро е смрт или недокажан аутизам?

По третата жртва од морбили во Македонија неизбежно се поставува прашањето каде води кампањата против вакцинација на децата со образложение дека процесот на заштита на населението со вакцини е заговор на фармацевтската мафија.

Без да се навлегува во прашањето за квалитетот на вакцините и евнтуалната корист од милионските тендери, за кои одговорност и тоа како треба да понесат надлежните институции доколку има сознанија за злоупотреба при набавките, станува јасно дека сите оние кои против вакцинација се тотално необразовани лица подложни на рекла-казала муабети.

За тоа доволен доказ се бројките и искуствата од минатите години кои покажуваат дека приказните за појава на аутизам и други заболувања по вакцинација се сведуваат на проценти кои се пониски од еден отсто.

Затоа, крајно време е власта да расчисти со овој проблем односно да гарантира дека населението ќе има пристап да висококвалитетни вакцини, како и да биде подготвена на кривична одговорност доколку се докаже дека вакцините се причина за појава на болести кај децата.

Од друга страна, антиваксерите подобро е да се преселат во планина, бидејќи станува јасно дека веќе никој нормален нема да дозволи неговото дете да се дружи со невакцинирани врсници и да ризикува смрт на најмилите поради новите „модерни трендови„ на природно совладување на заразните болести.

ПОВРЗАНИ ВЕСТИ

Трета жртва: Од морбили почина бебе од тетовско

Кои се симптомите и како се пренесуваат мали сипаници

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) Во Fit Family вежбајте и слабејте заедно со познатите: Метода со која се постигнува вистинска трансформација на телото

Редакција

Одрон од земја и камења причина за излетување на возот од шините кај Падалишта

Редакција

(Видео) Владата го започна процесот на промена на Уставот: Има четири суштински измени

Никола Осило