еМагазин
Image default
Македонија

Барањето за одземањето на имунитетот на Вељаноски вратено во Собранието

Барањето за одземање на пратеничкиот имунитет на поранешниот спикер Трајко Вељаноски е вратено од скопскиот Кривичен суд во Собранието, и претседателот на Собранието, Талат Џафери го доставил до Комисијата за деловнички и мандатно-имунитетни прашања со која претседава пратеникот, Павле Богоевски, потврдија од собраниската прес – служба.

Поради повикување на погрешен член од законот, претседателот на Собранието, Џафери денеска го врати до Кривичниот суд барањето за одземање на пратеничкиот имунитет на поранешниот спикер Трајко Вељаноски.

Првото барање од Кривичниот суд во Скопје за одземање на пратеничкиот имунитет на Вељаноски, стигнало денеска околу пладне во Собранието.

Според Деловникот, Комисијата е должна да го разгледа барањето и во рок од два дена да достави извештај до претседателот на Парламентот.

По добиениот извештај од Комисијата, Собранието најдоцна во рок од три дена треба да одлучува за барањето на судот на пленарна седница. Одлуката за одземање на имунитетот се носи со просто мнозинство од вкупниот број на пратеници.

Актуелниот пратенички состав досега по барање на судот донесе одлуки за одземање на имунитетот на пратениците Никола Груевски, Љупчо Димовски, Крсто Муковски, Јохан Трачуловски, Жаклина Пешевска, Љубен Арнаудов и Сашо Василевски.

Поранешниот претседател на Собранието и актуелен пратеник Трајко Вељаноски, заедно со Миле Јанакиески и Спиро Ристоски вчера попладне беа приведени на распит по наредба на Јавното обвинителство под сомнение за вмешаност во настаните од 27 април 2017 година.

Вељановски се повика на пратеничкиот имунитет, додека на поранешните министри Јанакиески и Ристоски им беше одреден 30-дневен притвор.

МИА

ПОВРЗАНИ ВЕСТИ

Џафери ќе го врати до судот барањето за Вељаноски

Барањето за одземање на пратеничкиот имунитет на Вељаноски стигна во Собранието

Судот побара од Собранието да му го одземе пратеничкиот имунитет на Вељаноски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Пак се јави Каракачанов, нема да гласал Македонија да влезе во НАТО, ако не престанала да ја фалсификува историјата

Редакција

Министерот за транспорт Горан Сугарески не очекува да го „потфати“ метлата на премиерот Заев

Никола Осило

ВМРО-ДПМНЕ: Не добивме датум затоа што нема реформи, а криминалот и корупцијата добиваат епидемиски размери

Редакција