Евроамбасадорот Дејвид Гир на денешната прес-конференција во Владата на која беше презентиран Извештајот на Европската комисија, прашан за бугарските клубови со контроверзни имиња, кои се отвараат во Македонија и кои предизвикуваат лавина од негативни реакции, рече дека не сака да навлегува во толкување на историјата.
Вели дека Македонија има добро досие што се однесува на односите помеѓу самите заедници во земјата.
-Многу е важно правата на различните заедници да се почитуваат. Исто така е многу важно дека ќе се направат напори од сите страни за да се промовира заемно разбирање и да се избегнуваат тензии.
Што се однесува на овој посебен инцидент што се случи пред неколку дена, Министерството за надворешни работи излезе многу јасно и кажа дека линијата беше пречекорена во врска со ова прашање. Толку имам да кажам, рече Гир.
ПОВРЗАНИ ВЕСТИ
Бугарскиот клуб „Цар Борис Трети“ беше отворен за да биде оштетен
Кој е Цар Фердинанд по кој е именуван третиот бугарски клуб
Кој е Милен Врабевски, главниот финансиер на бугарските клубови во Охрид и Битола
Фото: СЕП