еМагазин
Image default
Балкан

Дачиќ: Ви честитам, имавте спор со Скопје за името, не за територија што е многу полесно

Имавте спор со Скопје за името, а не за територија, што е многу полесно, изјави српскиот шеф на дипломатијата Ивица Дачиќ на почетокот на својот говор на економскиот форум во Делфи, честитајќи го договорот меѓу Северна Македонија и Грција.

– Јас, како премиер и министер за надворешни работи на Република Србија ја предупредив ЕУ дека не е доволно активна во пронаоѓањето на решение за проблемите во овој регион. Значи, проблем кој постоеше многу години, за кој ништо не се случуваше.

Можам само да им честитам на оние кои го иницираа решавањето на ова прашање. Како и во други случаи, станува збор само за политичка волја. Ако постои политичка волја за решавање на проблемот, секој проблем може да се реши. Тоа беше главната предност во вашите разговори. Сакам да Ви честитам за договорот кој ќе овозможи подобри односи меѓу Атина и Скопје, кажа Дачиќ.

Како што се наведува во соопштението од МНР на Србија, Дачиќ кажал дека: „Србија сака да постигне договор со Приштина“.

Тој, правејќи историска анализа за Косово наведе дека: „во Југославија, во која беше и Северна Македонија, Косово беше провинција во Србија, а правото национално малцинство кое го сочинува мнозинството на дел од територијата да може да создаде држава без согласност на земјата од која сака да се отцепи, е многу проблематична.“

Дачиќ истакна дека Србија е подготвена за компромиси, но дека тешко може да се постигне договор, ако албанската страна мисли дека компромисот е во тоа, Србија да ја признае независноста на Косово.

-Ние нема да преземеме ништо што ќе го наруши дијалогот, но ако се очекува решението за проблемот да е прифаќање независност на Косово, а Приштина да не создаде доволно политичка мудрост за компромис, тука тешко дека ќе има договор, рече Дачиќ.

Тој оцени дека Албанија и Косово сакаат да создат „Голема Албанија“.

-Во Приштина има многу повеќе албански знамиња од косовски. Приштинските лидери велат дека не им се допаѓа знамето и дека нивното знаме е знамето на Албанија. Да не се правиме наивни и да мислиме дека Косово и Албанија ќе бидат две држави. Тие сакаат Голема Албанија, рече Дачиќ.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Албанија повторно се тресе: Силен земјотрес утрово ги разбуди нашите соседи

Редакција

Мицотакис: Нова демократија нема да го ратификува штетниот договор што отстапува македонски јазик и националност

Редакција

Мистерија кој отстранил и уништил 105 гранични столбови, некои високи и до еден метар на грчко-македонската граница

Редакција