еМагазин
Image default
Македонија

Делумно прифатена тужбата за клевета на премиерот Заев против потпретседателот на ВМРО-ДПМНЕ, Николоски

Граѓанскиот суд – Скопје денеска делумно го усвои тужбеното барање за клевета на премиерот Зоран Заев против потпретседателот на опозициската ВМРО-ДПМНЕ, Александар Николоски.

Судијаката Сузана Димитриев, при читање на пресудата истакна дека се утврдува граѓанска одговорност на тужениот Александар Николовски од Охрид за клевета, затоа што на ден 20 август 2019 година во изјава дадена за ТВ Алфа во видео со наслов случај „Рекет – каде завршија милионите од Луј Витон чантата“, има изнесено невистинити факти штетни за честа и угледот на тужителот.

Николоски во изјавата тврди дека „вкупната сума на побарани, изрекетирани средства надминува 20 милиони евра“.

– Досега ова никој не го демантираше што значи дека е рекетиран повеќе од еден бизнисмен. Рекетирани се многу бизнисмени побарани се многу пари тоа е операција која што не може да ја завршат еден или двајца луѓе.

Тоа е операција која е добро смислена од врвот на СДСМ, координирана лично од Зоран Заев и понатаму управувано низ целата држава. Затоа е потребан кривична, но и политичка одговорност, гласи изјавата на Николовски.

– Тужбеното барања на тужителот Зоран Заев од Скопје, да се заложи тужениот Александар Николоски да му исплати на тужителот на име надомест на нематеријална штета износ од 60.000 денари за нарушен чест и углед со законска казнена камата според НБ на РСМ, која важела на последниот ден од полугодието што му претходело на тековното полугодие зголемено за осум проценти поени, а сметано од пресудувањето до конечната исплата во рок од 15 дена од правосилноста на пресудата, се одбива како неосновано, рече судијката Димитриев.

Воедно, во пресудата се вели дека се задолжува тужениот Александар Николоски од Охрид ја објави изреката на пресудата на негов трошок „на простор не помал од една осмина од страница од првата до петтата страна од печатено средство за јавно информирање – дневен весник во рок од 15 дена од правосилноста на пресудата, а под страв на присилно извршување“.

Странките против ова пресудата имаат право на жалба.

ПОВРЗАНИ ВЕСТИ

Заев не се појави на денешното судење со Николоски, иако премиерот тужи за клевета за случајот „Рекет“

Заев го тужи потпреседателот на ВМРО-ДПМНЕ, Николоски за клевета дека бил врвот на пирамидата во случајот „Рекет“

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Одложено судењето против Мерко за набавката на луксузното Ауди вредно 67 илјади евра

Редакција

Лавров: Русија не е против договорот меѓу Македонија и Грција, спорен е правниот легитимитет на процесот

Редакција

Нинџа поднесе дополнителни докази за „27 април“

Редакција