Денеска е Велик Петок: Најтешкиот ден во годината поради распетието Христово

Денеска е најтешкиот ден за верниците, бидејќи е денот кога го распнале Исус Христос. Заради тоа, е востановен и постот во петок, како и во среда кога бил предаден. На Велик Петок многу од верниците постат на вода.

Велипеток е денот на Христовите страданија. Тие започнуваат уште ноќта, во Гетсиманија. Затоа гетсиманските настани ги вбројуваме во Велипеток. Тие се случувале доцна во ноќта – по полноќ. Според европското мерење на времето – во петок.

Патем, од собата на Тајната вечера до Гетсиманија, Христос продолжил со Прошталната беседа и ги поучувал апостолите (Јован 15 и 16 глава). За да биде поуката разбрана и запометена, го посочил примерот со лозата и лозовата прачка која дава плод, ако е на лозата, а не кога е отсечена од неа.

И рекол: „Без Мене не можете да направите ништо“, но „ако Мене Ме гонеа, и вас ќе ве гонат“, а утехата е во: „Утешителот, Кого што ќе ви Го испратам Јас од Отецот, Духот на вистината…“. „Во светот ќе имате маки; само не бојте се, зашто Јас го победив светот.“

По овие зборови, Христос завршил со поуката и ја започнал Молитвата во Гетсиманија. Страдањата од Велики Петок почнуваат во Гетсиманија.

ПОВРЗАНИ ВЕСТИ

Бигорски манастир нема да прима верници, објави распоред на богослужбите кои ќе бидат пренесувани онлајн во живо

Отец Пимен: Немате слушнато дека може да се причестуваме без пост и кога ќе спласне пикот на короната?

МПЦ повторно повика Воскресението Христово да се пречека и празнува со најблиските во домашната црква – во семејството

Фото: Бигорски манастир