Најголемите буџетски корисници имаат годишен буџет кој изнесува 88,6% од вкупниот буџет на сите буџетски корисници.
Во периодот јануари – август 2018 година следниве министертва и институции потрошиле најмноги пари од буџетот:
Министерство за финансии – функции на држава каде што биле реализирани расходи од 33.023.000.000 денари, што претставува 84,2% од годишниот буџет.
Најголем дел од расходите или 71,3% отпаѓаат на отплата на главнина, за што во периодот јануари – август 2018 година потрошени се 23.559.000.000 денари, односно 104,7% од средствата планирани за оваа намена во 2018 година.
По однос на каматни плаќања отпаѓаат 17,4% од вкупните расходи, за што се реализирани 5.750.000.000 денари или 66,4% од планираното.
Министерството за труд и социјална политика во периодот јануари – август 2018 година реализираше 28.922.000.000 денари или 66,3% од вкупниот буџет за 2018 година.
Притоа, најголем дел (73,2%) од расходите во овој период се наменети за тековни трансфери до вонбуџетските фондови, за што се потрошени 21.159.000.000 денари или 66,8% од средствата наменети за 2018 година.
Втора најзначајна расходна ставка се социјалните бенефиции, кои учествуваат со 18,9% во вкупните расходи.
Во првите осум месеци од 2018 година, Агенцијата за финансиска поддршка во земјоделството и руралниот развој (АФПЗРР) реализираше средства во износ од 6.838.000.000 денари, што претставува 79,3% од планираните средства за тековната година.
Најзначајна расходна ставка претставува субвенции и трансфери (со учество од 93,0%), за што во анализираниот период се извршени 6.359.000.000 денари или 93,8% од планираното.
Во периодот јануари – август 2018 година од страна на Министерството за внатрешни работи реализирани се вкупно 6.832.000.000 денари, што претставува 66,3% од сопствениот буџет за 2018 година.
Најзначајна расходна ставка претставуваат плати и надоместоци со учество од 71,0%, за што се потрошени 4.849.000.000 денари или 66,4% од планираното. Втора најзначајна ставка се стоки и услуги со учество од 15,8%, за што се реализирани 1.077.000.000 денари или 63,5% од годишниот план.
Министерството за здравство во првите осум месеци од годината реализираше буџетски средства во износ од 3.806.000.000 денари, што е 57,2% од вкупниот буџет за 2018 година. Тековните трансфери до вонбуџетските фондови имаат најголемо учество во расходите со 60,0%, за што во периодот јануари – август 2018 година потрошени се 2.283.000.000 денари или 81,8% од средствата наменети за 2018 година.
Стоките и услугите се втора најзначајна ставка со учество од 30,4% во вкупните расходи, а во анализираниот период за оваа намена потрошени се 1.157.000.000 денари, односно 57,8% од вкупно предвидените.
Реализацијата на капиталните расходи (кои учествуваат со 7,8% во вкупните расходи) изнесува 17,1% односно извршени се 297 милиони денари.
Министерството за одбрана во периодот јануари – август 2018 година изврши буџетски средства во износ од 3.580.000.000 денари, што е 55,0% од вкупниот буџет за 2018 година. Платите и надоместоците имаат најголемо учество со 69,0%, за што во првите осум месеци реализирани се 2.470.000.000 денари, што претставува 65,3% од вкупно предвидените средства за тековната година.
Стоките и услугите учествуваат со 21,6% во вкупните расходи, за што во анализираниот период се потрошени 774 милиони денари, односно 45,0% од вкупно предвидените.
За финансирање на дејностите од областа на културата во периодот јануари – август 2018 година извршени се средства во износ од 2.016.000.000 денари, што е 54,2% од вкупниот буџет за 2018 година.
Платите и надоместоците имаат највисоко учество во вкупните расходи со 33,7%, а нивната реализација во првите осум месеци изнесува 64,7%, односно извршени се 680 милиони денари.
Субвенциите и трансферите учествуваат со 33,6%, а за оваа намена реализирани се 677 милиони денари или 55,4% од планираното.
Министерството за образование и наука во периодот јануари – август 2018 година изврши буџетски средства во износ од 14.264.000.000 денари, што е 56,7% од вкупниот буџет за 2018 година.
Најголем дел од расходите (63,2%) претставуваат тековни трансфери до ЕЛС, за што се потрошени 9.010.000.000 денари или 65,3% од вкупно планираните средства.
Плати и надоместоци се втора најзначајна ставка со учество од 15,5%, за што се потрошени 2.216.000.000 денари, односно 63,3% од вкупно предвидените. За стоки и услуги (кои учествуваат со 13,1% во вкупните расходи) реализирани се 1.869.000.000 денари, што претставува 44,7% од вкупно предвидените средства за тековната година.