еМагазин
Image default
Балкан ТОП СТОРИИ

Детали од српско МВР: Ученикот подолго време го планирал нападот, имал список на деца за убивање

Осум деца и лице за обезбедување се убиени, ранети се седум лица, од кои шест деца и еден учител, а две од децата се во критична состојба. Убиецот е ученикот од седмо оделение (К.К.) на возраст од 14 години од ОУ „Владислав Рибникар“ на Врачар, во Белград, која оваа незапамтена трагедија ја планирал еден месец и тоа до најситен детал, беше соопштено на денешната вонредна прес конференција во српската Влада, јави дописникот на МИА од Белград.

Началникот на белградската полиција Веселин Милиќ на прес-конференцијата рече дека осомничениот сам се пријавил на полицијата да каже дека застрелал неколку луѓе.

-Според досега собраните информации, ученикот К. К. подолг временски период го планирал извршувањето на ова кривично дело. Мотивот се уште не е утврден, ниту пак тој не го кажал. Датумот 3 мај 2023 година го избрал затоа што училницата по историја била во близина на влезот на училиштето, каде неговиот клас VII-2 го имал првиот час.

Огненото оружје, пиштолот со калибар од 9 милиметри, со три рамки, како и малокалибарски пиштол, го зел од станот на татко му, го ставил во торба, а подготвил и понел и четири молотови коктели, изјави Милиќ.

Тој додаде дека веднаш по пристигнувањето во училиштето, убиецот го извадил пиштолот и го застрелал обезбедувачот Д. В. по што ги нападнал децата и А. Б.

-Пукал кон А.Б., кој стоел покрај масата, како и кон С.Н., кој бил покрај клавирот, и го убил. Потоа продолжил низ ходникот до училницата по историја, каде по пат ја заменил рамката, влегол во училница и веднаш пукал од врата кон наставникот и останатите ученици.

Потоа ја напуштил училницата, отишол во училишниот двор, каде ја вади рамката од оружјето, вика полиција и после тоа ние го апсиме, изјави Милиќ.

Шефот на полицијата го покажа списокот на деца што сторителот го составил и училишниот план на кој ги определил приоритетните цели и начинот на влегување во паралелките со бројот на деца што планирал да ги убие во секое одделение.

ПОВРЗАНИ ВЕСТИ

Пукаше по случаен избор, легнав врз мртви другарчиња за да помисли дека сум мртва: Страотни сведоштва за најцрниот ден во Србија

Во Србија прогласена тридневна жалост

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мицкоски за новата „бомба“: Нема ништо криминално во објавениот приватен разговор

Редакција

Ѓорѓи Божинов именуван за генерален секретар на Кабинетот на Силјановска

Редакција

Капитални (не)инвестиции: Додека се мачиме со автопат до Охрид, светот праќа товарни летала во Вселената

Редакција