Дојава за бомба и на скопскиот аеродром, откажани се сите летови

Дојави за бомби утрово биле испратени до хотелот „Александар Палас“, Меѓународниот аеродром – Скопје, „Ист гејт мол“ и средното медицинско училиште „Панче Караѓозов“.

Од „Александар палас“ се евакуираат гостите и вработените. Откажана е и денешната годишната конференција на Стопанската комора на која требаше да се обрати премиерот Димитар Ковачевски.

Меѓу учесниците на конференцијата во „Александар Палас“ беа и министрите за економија Крешник Бектеши и за финансии Фатмир Бесими.

Ова е прв случај на дојава за поставена бомба на настани на кои предвидено е да присуствуваат политичари.

Се евакуираат патниците и вработените и на Скопскиот аеродром. Откажани се сите летови и повикана полицијата да изврши проверка.

Привремено е затворен и се вршат проверки и во „Ист гејт мол“.

Деновиве цел на дојави за бомби, покрај училишта, се и институции, трговски центри и други објекти.

Во текот на вчерашниот ден беа регистрирани досега рекордни 49 дојави за бомби, за кои од полицијата по проверките посочија дека се лажни.

ПОВРЗАНИ ВЕСТИ

Дојава за бомби и во “Мериот“, ФФМ, салата „Борис Трајковски“, 10 скопски и за првпат и во битолски училишта

Прва дојава за бомба на настан на кој требаа да учествуваат премиерот и министри во Александар палас

Закани за убиства на невини луѓе, до „северномакедонската“ влада, премиерот и неговата партија во дојавата за бомба во Куманово

МИА/Фото: ТАВ