Директорот на Институтот за имунологија, д-р Александар Петличковски за ТВ 24 вели дека препораката е да се чека за вакцина од 1 до 6 месеци по прележан Ковид-19.
– Нема дилема дека помината болест остава имунитет и тој имунитет трае скоро шест месеци, но е варијабилен и од човек до човек не се создава иста количина на антитела и иста активација на клеточниот имунитет.
Од тие причини, се предлага да се оди и со вакцинација која ќе го засили и униформно ќе го стимулира имунитетот кај граѓаните кои имаат прележано ковид, вели тој.
Како што вели Петличковски, се препорачува вакцинација и на оние кои прележале, но не се советува анализирање на антитела, бидејќи ја нема таа бројка, таа концентрација на антитела која би претставувала контраиндикација за вакцинација.
– Количината на антителата не игра улога во препораката за вакцинирање, туку повеќе игра улога времето кога е помината вакцинацијата. Терминот којшто се советува да се запази после помината болест е до шест месеци. Во рамките на овие шест месеци, се препорачува вакцина и на луѓето кои ја поминале болеста, рече Петличковски.
ПОВРЗАНИ ВЕСТИ
Нема доволно имунитет со прележан Ковид-19 или со една доза вакцина, порачува Филипче
Фото: МЗ