Државната изборна комисија (ДИК) вчера ги соопшти конечните неофицијални податоци од предвремените парламентарни избори според кои коалицијата на СДСМ и Беса, освоила 46 пратенички мандати, ВМРО-ДПМНЕ и коалицијата, 44, ДУИ, 15, коалицијата на Алијанса за Албанците и Алтернатива 12, Левица 2 и ДПА, 1.
Доколку се споредат овие резултати со тие на парламентарните избори во 2016 година, излегува дека ДУИ сега има 5 пратенички мандати повеќе (тогаш имала 10), СДСМ со коалицијата изгубила 3, а ВМРО-ДПМНЕ со коалицијата 7 пратенички мандати.
Имено на изборите во 2016 година, СДСМ со коалицијата освоила 49, а ВМРО-ДПМНЕ со коалицијата 51.
Алијансата за Албанците на изборите во 2016 година освоила 3, а сега во коалиција со Алтернатива освои 12 пратенички мандати.
Беса на претходните избори имала 5, а сега според договореното, бидејќи е дел од коалицијата која ја предводи СДСМ, “Можеме“ и припаѓаат 4 пратенички мандати.
ДПА пак споредено со претходните избори изгубила 1 пратенички мандат.
ПОВРЗАНИ ВЕСТИ
За првпат партиите од албанскиот блок со 32 пратенички мандати
Голем пад на поддршката: Каде исчезнаа илјадници гласови на ВМРО-ДПМНЕ и на СДСМ?
Сите детали од ДИК: Коалицијата „Можеме“ доби 46 пратеници, ВМРО-ДПМНЕ 44, а ДУИ 15
Детален преглед: Какви се резултатите од гласањето по изборни единици?
Графика: ДИК/Википедија