Македонската пејачка на својот Фејсбук профил објави видео од нејзината изведба на македонската химна на прославата на 4.јули во американската Амбасџада и ги коментираше актуелните случувања со т.н. француски предлог.
„Македонската химна е гордост и чест да ти доверат да ја отпееш. Секогаш со посебно чувство сум ја пеела, бидејќи не е било која песна, химната е песна на еден цел народ, МАКЕДОНСКИ НАРОД.
Јас знам за една Македонија без придавки (освен придавката “Република”) за која сум учела и во која живеам од кога знам за себе, за еден јазик – МАКЕДОНСКИ ЈАЗИК, кој впрочем го говорам, знам за една нација или народ за кого пеам 20 години.
Исто толку години ја претставувам мојата нација и мојата земја насекаде низ светот, а таа земја се вика МАКЕДОНИЈА.
И токму сега во овие тешки моменти треба да ечи насекаде МАКЕДОНСКАТА ХИМНА, бидејќи носи силна порака. Покрај споменување на револуционерите и народот кои се бореле и умреле за татковината, се споменува само едно име – МАКЕДОНИЈА и еден народ – МАКЕДОНСКИ.
Ова не е време за било какви поделби и овој коментар нема никаква политичка конотација – има исклучиво патриотска„, напиша таа.
ПОВРЗАНИ ВЕСТИ
Од мене и дедо ми и баба ми големо НЕ за „францускиот предлог“
(Видео) Весна Петрушевска од пред Собрание: Макрон, Македонка сум, ако не разбираш ќе ти преведеме
Ида Мантон за „францускиот предлог“: Подобрете го договорот за да ја спасите Европа од самата себе
Фото: Ристеска/Фејсбук