Епидемиологот Сашко Олумчев во врска за трета доза на вакцина и дилемата дали да биде иста или различна од првите две, за телевизијата Сител вели дека граѓаните не треба да размислуваат.
Трета доза не значи неквалитетна вакцина, туку засилување на имунитетот.
„Мене ако ме прашате апсолутно немам никаков проблем да биде со различна вакцина затоа што тие се различни механизми на делување, значи ќе направиме едно збогатување на стимулацијата на имунитетот на различни начини.
Јас лично би се вакцинирал да речеме со друга вакцина. Имам две дози од Фајзер примено и кога би имало Синовак би примил Синовак, со тоа што ќе внесеме друг механизам, кој ќе го стимулира мојот имунитет на различен начин.
Така да ќе имаме многу подобар резултат и поквалитетен имунитет“, вели Олумчев, кој посочува и дека во моментов најризични се младите до 18 години и невакцинираните.
ПОВРЗАНИ ВЕСТИ
Епидемиологот Олумчев: Не само трета „бустер“ доза, туку и од четврта може да има потреба
Доктор Мехмедовиќ за СП: Не е добро да се комбинираат вакцините, влегуваме на непознат терен
Фото: МЗ