„Фајв старс филм дистрибушн“ информираше дека пред билетарницата на салата на Културниот центар во Белград се формирале долги редици за карти за „Медена земја“.
Сите проекции биле распродадени, па поради тоа филмот ќе игра и денеска од 21 часот.
„Убавата порака која филмот ја носи, само е зајакната со неодамнешната изјава на главната протагонистка Атиџе која вели: „Сакам публиката од филмот да научи само едно, а тоа е, како што јас делам со своите пчели, луѓето да почнат да делат со себе,“ објави „Фајв старс филм дистрибушн“ на нивниот фејсбук-профил.
И како што изјави продуцентот на филмот Атанас Георгиев, иако филмот не доби Оскар, номинациите се огромен успех и поттик, дека се повеќе гледачи ќе го видат филмот, а тоа за еден автор е најзначајно.
ПОВРЗАНИ ВЕСТИ
Екипата на „Медена земја“ со впечатоци: Оскарите ни се случуваа секој ден во Лос Анџелес
Хоакин Феникс, актерот кој зеде Оскар за улогата во „Џокер“ бил голем фан на Атиџе
Атиџе по ѕвездените моменти во Холивуд: Сакам да ги гледам пчелите, ми е жал ме чекаат
фото: Фејсбук/Five Stars Film Distribution