Две лица кои со квадрицикл (мопед на четири тркала) паднаа во провалија кај вилата „Принц“ на Караџица, синоќа беа извлечени во стабилна состојба со веројатни скршеници и беа предадени на две екипи на Итната медицински помош, информираше Центарот за управување со кризи (ЦУК).
Претходно, ЦУК соопшти дека на бројот 112 добиле повик за помош од две лица кои со квадрицикл излетале од земјен пат и паднале во бездна длабока околу 20 метри, по селото Алдинци во близина на вила „Принц“.
За настанот биле известени и координирани МВР, Итната медицинска помош и Бригадата за противпожарна заштита на Град Скопје.
Фото: ЦУК
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.