Градоначалничката на Тетово, Теута Арифи се вакцинираше во регионалниот центар за вакцинација во спортската сала во медицинското училиште. Таа се чувствува добро и ги повика граѓаните да се вакцинираат.
-Вчера ја примив првата доза на вакцината „Синофарм“. Се чувствувам добро и продолжувам со секојдневните работни активности. Голема благодарност до медицинскиот персонал, органите за безбедност, студентите и сите што се грижат за работата во Регионалниот центар за вакцинација во Тетово.
Ги повикувам сите граѓани да се пријават во што поголем број на www.vakcinacija.mk, за да можеме сите заедно што побрзо да го победиме вирусот и да се вратиме во нормалниот тек на животот, порача Арифи на Фејсбук.
Фото: Арифи/Фејсбук
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.