Француската Влада ја поништи уредбата со која им се дозволува на лекарите во болниците да користат хидроксихлороквин за третман на пациенти кои имаат тешки форми на Kовид-19.
Одлуката е донесена откако Светската здравствена организација (СЗО) во понеделникот објави дека привремено ќе паузира со широко анализирање на анти-маларискиот лек од безбедносни причини.
Британското медицинско списание „Лансет“ објави дека пациентите кои примале хидроксихлороквин имаат зголемена стапка на смртност, неправилни отчукувања на срцето и голем број други разочарувачки резултати на лекот за терапија против Ковид-19.
Тој лек особено го истакнуваше американскиот претседател Доналд Трамп во последните месеци како потенцијален лек во терапијата против коронавирусот.
МИА
ПОВРЗАНИ ВЕСТИ
Трамп повторно ја шокира Америка, зема лек за маларија како превентива од коронавирусот
Тетовчанка ја сподели личната битка со корона вирусот: Се плашев повеќе за другите, отколку за себе