Порос важи за еден од најубавите острови во близина на Атина. До него можете да стигнете од пристаништето Пиреја со брз брод за околу 1 час и 15 минути.
Шармантниот остров во Саронскиот Залив, е всушност настанат од два острови, Сферија и Калаврија, кои многу одамна се оделиле од Пелопонез.
Па така, додека шетате по него, понекогаш не ви е јасно што каде е.
Дестинација за луксузни јахти
Островот како што имаше можност да се увери екипата на еМагазин е дестинација за бројни луксузни јахти, од сите страни на светот, а е и една од омилените дестинации, поради близината, и на богатите Атињани.
По архитектурата потсетува на типичен грчки остров, се разбира со бројни таверни и многу историја.
Какви се плажите
Плажите се со комбинација од ситни камења и песок, а Ви ја препорачуваме Russian bay beach и секако Аскели, најголемата плажа, на која освен организиран дел, има и мали делови (со песок) на кои можете да избегате од гужвите и комплетно да уживате во кристално синото море.
Цените „островски“
Кога патувате на остров во Грција имајте во предвид дека таму буквално се е поскапо отколку на копно. Од цените за кафе во кафуле до цени во супермаркет. Цените варираат зависно од тоа на кој остров одите.
Порос не е меѓу најскапите острови во Грција, па овде во сред сезона можете да најдете сместување и за 40 евра за два лица од ден и кафе за носење од 2 евра, цени кои нема да ги добиете на многу други острови.
Треба да се напомене дека за посета на грчки остров, поради пандемијата со Ковид-19, Ви се потребни речиси истите работи, како и за влез во Грција. Тест, доказ за вакцинација или прележан Ковид-19 и да имате 24 часа пред патување пополнето друг формулар, кој можете да го најдете на sea.travel.gov.gr.
П.С. Поради пандемијата бидете подготвени и за чекање ред во супермаркет, пекари…
ПОВРЗАНИ ВЕСТИ
(Галерија) еМагазин на грчкиот остров Спецес: Кочија може, автомобил не!
(Галерија) еМагазин на грчкиот остров Хидра: Мир и за телото и за душата
Фото: еМагазин