еМагазин
Image default
Бизнис ТОП СТОРИИ

Граѓаните негодуваат што УЈП ќе има увид во банкарските сметки, директорката објаснува што тоа значи

Откако денеска беше објавено дека УЈП ќе има увид во банкарските сметки на граѓаните, тоа предизвика незадоволство кај граѓаните и негодување за користење на податоците од нивните лични сметки.

Директорката на УЈП, Сања Лукаревска смета дека се појавиле шпекулации во делот на заштитата на податоци.

Таа на својот Фејсбук-профил појасни дека она на што се работи една година наназад е оваа размена на податоци да се автоматизира, наместо податоците да се доставуваат во хартиена форма, што е долга, спора постапка за сите страни.

„Автоматизираната електронска размена на податоци со банките ќе овозможи подобрување на ефикасноста на УЈП, подобри услуги за граѓаните и истовремено подобро администрирање на персоналниот данок на доход.

Побрзо ќе се издаваат уверенија, решенија и други документи во надлежност на УЈП. Врз основа на едногодишните консултации со сите релевантни институции, на одржани низа состаноци низа состаноци меѓу Управата за јавни приходи, Министерството за финансии, здружението/асоцијација на банките и претставници од банките, Народната банка и Дирекцијата за заштита на личните податоци, заеднички се утврди рамката за протокот на овие податоци, нивната содржина, динамика за достава и сл., како и стандардите за сигурност и заштита на личните податоци на граѓаните.

Личните податоци на граѓаните се сигурни, загарантирани и заштитени.

Користењето на податоците низ една ваква законска и сигурна процедура е императив за да може Управата за јавни приходи да издава однапред пополнети годишни даночни пријави кои граѓаните само ќе ги потврдуваат.

Издавањето на пополнетите годишни даночни пријави е дел од реформата за поедноставување на постапките за плаќање на персоналниот данок на доход, која Управата за јавни приходи ја спроведе со користење на средства од ЕУ, ИПА-фондовите.

Ова е уште едно олеснување, уште една услуга за граѓаните.Размената или користењето податоци кои се потребни за даночни цели, е вообичаена пракса во многу администрации во Европа, како на пример Данска, Естонија, Шпанија, Грција и др. Ова е случај и во Македонија. Согласно веќе важечката регулатува секоја инститиција која располага со вакви податоци има законска обврска и е должна да ги достави по барање на Управата за јавни приходи.

Користењето на податоци добиени од банките во Управата за јавни приходи не е новина, затоа што и до сега истите се користат редовно во даночната постапка.

И постојниот Закон за Управата за јавни приходи и Законот за банки кои во моментов се на сила,регулираат дека овие податоци не се банкарска тајна кога се користат од страна на УЈП во даночна постапка и за даночни цели“, појасни Лукаревска.

фото: Фејсбук-профил на Сања Лукаревска

ПОВРЗАНИ ВЕСТИ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Струмичка Кланица со ладилник со зголемена добивка во првиот квартал

Редакција

Позитивни на корона вирусот девет лица вработени во градинките во Кочани

Редакција

МНР проверува дали Груевски е во Унгарија

Редакција