еМагазин
Image default
Интервју ТОП СТОРИИ

Грчењето и немирното спиење кај децата не треба да се занемарува

Ноќната апнеа или престанок на дишење во сон кај децата се јавува кај 1-5 % од детската популација на возраст од 2 до 8 години. Овој период на рано детство се карактеризира со интезивен раст и развој на многу органи и системи. Ноќната апнеа не треба да биде занемарена.

Доколку родителите забележуваат кај своите деца грчење, немирно спијат, спијат со отворена уста, имаат краткотраен престанок на дишењето, завземаат невообичаена позиција кога спијат, прекумерно се потат, треба да стапат во контакт со специјалист педијатар, вели Прим. д-р Благица Манчева, педијатар пулмо-алерголог во Клиничка болница „Жан Митрев“.

Прим. д-р Благица Манчева

Што ја предизвикува ноќната апнеа?

Овие пореметувања  на дишењето може да се резултат на зголемување на тонзилите и аденоидите, прекумерна телесна тежина, најразлични аномалии на структурите на лицето како и пореметувањето во преносот на сигналите од нервите кон мускулите (неуромускулни абнормалности) во детството.

Пореметувањата на дишењето во тек на сон се појавуваат како резултат на делумeн и/или целосен  намален проток на воздух низ горните дишни патишта во тек на спиење кои можат да го нарушат нормалниот  внес на кислород како и сонот.

Кој се најчести симптоми и кој е ризикот доколку не се забележува и третира навреме?

Грчењето е најчесто препознаен симптом од страна на родителите. Многу од децата повремено грчат во склоп на вирусни инфекти на горните дишни патишта, заради зголемена аденоидна вегетација, но доколку грчењето перзистира подолго време и е поврзано со престанок на дишењето, често будење од сон, немирен сон, невообичаена положба во тек на спиење, зголемено ноќно потење, невообичаени движби на градниот кош во сон намалениот внес на кислород во овој период ќе резултира со сериозни  промени во функцијата на истите.

Овде можат да бидат засегнати срцето, белите дробови, бубрезите, сите внатрешните органи одговорни за бројни метаболни процеси.

Најосетлив  орган на овие промени е мозокот –  долготрајниот намален внес на кислород во тек на раното детство може да даде сериозни проблеми во неуроконгнитивниот развој кај децата, проблеми во однесувањето (агресивно однесување, хиперактивност) како и слаб успех  во  училиште.

Полисомнографија – најточна и најсигурна метода за потврда на пореметувањата на дишењето во тек на сон

Метода со која се потврдуваат престанокот на дишење во тек на сон (апнеи) со сериозно намален внес на кислород е ноќната полисомнографија. Се реализира со софистициран мал апарат кој му се аплицира на пациентот непосредно пред спиење. Апаратот регистрира бројни параметри кои севкупно анализирани ќе ни дадат пресек на тежината на состојбата и соодветен приод во разрешување на истата.

Во нашата Клиника ваквиот тип на снимање се спроведува во домашни услови со претходна едукација на родителите и самото пациентче за начин на реализирање на снимањето и апликација на апаратот. Доколку пациентот е од далеку постои можност снимањето да се реализира во самата Клиника.

КОМЕРЦИЈАЛНА ОБЈАВА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Монструозен случај во Скопје: Татко повеќепати ја силувал 13-годишната ќерка

Никола Осило

Пратеникот Павле Богоевски си поднесе оставка: „Гласот за одземање на мандатот на Груевски ќе биде мој последен“

Никола Осило

Народна банка ја намали основната каматна стапка од 2,50 на 2,25 проценти

Редакција