Од Владата се испофалија дека го „спасиле“ Охрид да не заврши на листата на УНЕСКО на загрозени подрачја. Покус не остана и градоначалникот на Охрид, Константин Георгиески.
Браво дечки, се супер, иако нема место за фалење, но сега доаѓа оној потешкиот дел.
Баш ќе биде интересно да видиме како ќе успеете да срушите 409 дивоградби во Охрид (само во заштитениот појас!), а најинтересно ќе биде да се гледа како ќе се справите со „инвеститорите“ „блиски“ до власта, за кои деновиве пишуваа медиумите.
Еве на едни такви „инвеститори“ со месеци државата и институциите не можат да им срушат една дива платформа на Матка во Скопје.
Да не излезе после, ама сезона беше, немаше доволно време или неможе сега да им рушиме на луѓево, цела Македонија е преплавена со дивоградби, зашто баш во Охрид да ги рушиме…
Така да без фалби, и под итно фатете се сериозно за работа! Охрид не е само ваш, туку е и наш и на целиот свет!
ПОВРЗАНИ ВЕСТИ
(Фото) УНЕСКО ги „искорна“ палмите во Охрид