Каракачанов: Македонија со овој менталитет не треба да влезе во НАТО, во Скопје треба да се свестат и да станат нормален народ

Бугарскиот вицепремиер за безбедност и министер за одбрана, Красимир Каракачанов во емисијата „Недела 150” на Бугарското национално радио изјави дека и покрај тоа што има многу јасни клаузули во Договорот за пријателство со Македонија, во Скопје не престануваат да ја фалсификуваат историјата.

“Веќе година и пол т.н. Комисија во пракса нема никаков напредок. Од бугарска страна има желба да се направат компромиси, што според мене е недопустилво, а од македонска страна има желба да се извртува, рече Каракачанов, зборувајќи за работата на заедничката експертска комисија за историски и образовани прашања помеѓу Бугарија и Македонија.

Лидерот на ВМРО-БНД рече дека македонската страна тврди дека Цар Самуил војувал и среде Бугарија.

Порачува дека во Скопје треба да се смени менатлитетот, а Македонија со овој менталитет не би требало да влезе во НАТО.

„Треба да се осветат и да станат нормален народ, да не кажам добри Бугари. Како лидер на ВМРО, човек, историчар и Бугарин, имам право на свое мислење и ќе го бранам”, рече Каракачанов.

ПОВРЗАНИ ВЕСТИ

Кој е контроверзниот Красимир Каракачанов: „Човекот што сака Бугарија да се простира од Софија до Токио“

МНР за изјавата на Каракачанов: Со Бугарија потпишавме Договор за пријателство и ќе градиме пријателство

Каракачанов со „воспитна“ до Заев: Злоупотребата на македонскиот јазик може да ве чини членство во НАТО и ЕУ

Фото: Фејсбук/Каракачанов