еМагазин
Image default
Македонија ТОП СТОРИИ

Кој се е оштетен со Годишната програма на Министерство за култура: „Танец“ сотрен, Ансамблот на албански народни ора и песни колку барал толку добил

Во распределбата на парите за музичка и музичко-сценска дејност на Годишната програма на Министерство за култура, за која има лавина од реакции, Ансамблот за народни игри и песни на Македонија „Танец“ за концерт во Загреб, Ријека и Сплит побарале 755.000 денари, а добиле 150.000, за концерт во Сиднеј, Австралија, побарале 6,2 милиони денари, а добиле милион, додека за гостување на фестивал во Турција, барале 950.000, но добиле 200.000 денари.

„Националниот ансамбл за народни игри и песни на Македонија „Танец“ доби 150.000 денари за поставување нова кореографија, додека на новоформираниот Национален ансамбл за албански ора и песни му се доделени 800.000 денари за една кореографија.

Би сакал да потенцирам дека во Македонија не постојат формално-образовани фолклорни кореографи, така што процесот на креирање кореографско дело им е препуштен на поединци кои многу често се некомпетентни за ваква дејност“, вели Филип Петковски, докторант по културолошки студии и изведбени уметности, кој се жали и во делот на фолклорната дејност во изјава за „Факултети“.

Наспороти ова, Ансамблот на албански народни ора и песни во Македонија за учество на фестивал во Будимпешта барал 1.072.297 денари и добиле речиси колку што и побарале – точно еден милион.

За фестивал во Индонезија барал околу 3,5 милиони денари, а добиле 2 милиони и за гостување во Шангај, Кина, барале 3,6 милиони, а им биле одобрени 2 милиони.

Фестивалот „Таксират“, пак, добил само 500.000 денари, а барал 6 милиони.

За фестивал во Тетово и за концерт, Здружението „Артал“ од Тетово, добило 3,6 милиони денари.

„За жал, она што се очекуваше со годинешниве резултати се случи! А се случува една голема попара таму и сето тоа како резултат на политичкиот пазар и ‘примопредавање’ на културната штафета на друг партиски субјект. Резултатите се некомплетни и повторно се отвораат прашања од типот ‘по кои критериуми се вреднувани проектите и учесниците’“, вели за „Макфакс“ музичарот Петар Младеновски, фронтмен на „Суперхикс“.

Тој вели дека на листите има тотални анонимуси „наградени“ со десетици илјади евра за нивните проекти, додека докажани манифестации, кои се одржувале со декади, се тотално исфрлени.

Во делот за манифестации од фолклорна дејност „Фолк-фест Валандово“, „10 дена Крушевска Република“ и Фестивалот на ора и песни „Кенго Јехо“ добиле по еден милион денари, иако барале различни суми.

Така, Фолк-фест Валандово барале над 4 милиони денари, за Крушевската Република се барани 2,6 милиони, а „Кенго Јехо“, барал 2 милиони.

Фото: Фејсбук-профил на „Танец“

ПОВРЗАНИ ВЕСТИ

„На кого му треба Џез фестивал додека има Ѕвезде Гранда“: Твитер „прегреа„ за Годишната програма на Министерството за култура

И Белопета во шок: Реномираниот „Скопски џез фестивал“ не доби пари од Министерство за култура

Режисерката Бузалковска со писмо до Заев: Дава оставка од Советот за култура поради Годишната програма на Министерството

Милошески од Авалон шокиран од односот: На Министерство за култура не му се важни концертите на Стинг, Лени Кравиц, Ерос Рамацоти…

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

МВР распиша меѓународна потерница по екс-премиерот Никола Груевски

Никола Осило

Детален преглед: Топ десет државни должници

Никола Осило

Обвинителката Рускоска: Ако има дополнителени докази, можна нова постапка за „27 април“

Редакција