Друштвото за трговија, производство и услуги Марковски компани Борче ДООЕЛ увоз-извоз Битола, периодов повторно доби неколку милионски тендери на Електрани на Северна Македонија (ЕСМ), во државна сопственост, а еден од нив е во вредност од 46 милиони евра.
ПОВРЗАНИ ВЕСТИ
Мега тендер: ЕСМ склучи договор со Марковски компани, вреден 46 милиони евра
Која е фирмата Марковски компани
За фирмата Марковски компани неможат да се најдат речиси ни основни информации на интернет, а интересно е дека компанијата нема ниту веб страница, а станува збор за фирма која во континуетиет добива тендери со високи суми на ЕСМ во изминативе години.
ПОВРЗАНИ ВЕСТИ
ЕДС, Пуцко петрол и Марковски Компани Борче лани склучиле највредни договори за јавни набавки
Основана е во 2002 година, со влог од 2.500 евра.
Се занимава со ископ на земја, земјени работи, набивање темелни столбови, изградба на темелна плоча, бетонирање, изградба на патишта, или се што спаѓа во нискоградба, стои во една од ретките основни информации за фирмата на интернет.
Кој е сопственик
Сопственик на Марковски компани е Борче Марковски, кој во 2016 година стана почесен конзул на Белорусија во Македонија, од кога е и овој скрин шот на кој е во друштво на амбасадорите на Русија и Белорусија (тој е во средина), кое е едно од многу ретките појавувања на Марковски во јавноста.
Фирмата доживува подем во 2012 година, кога почнува да добива тендери, стои во анализата на неделникот Фокус од пред неколку години, а нејзините приходи и профит секоја наредна година растат.
Иако пред непосредната промена на власта во 2017 година, поранешниот директор на ЕСМ, Васко Ковачевски, кој тогаш беше опозиционер, обвинуваше дека фирмата е блиска со поранешниот прв човек на Управата за безбедност и контраразузнавање (УБК), Сашо Мијалков, фирмата продолжи да добива тендери на ЕСМ и по промената на власта, пишува Фокус.
ПОВРЗАНИ ВЕСТИ
ЕСМ склучи договор со Марковски компани вреден 3,8 милиони евра
ЕСМ склучи договор со Марковски компани вреден 1,1 милион евра
ЕСМ склучи договор со Марковски компани вреден 9,2 милиони евра
Фото: ЕСМ