Штипската Клиничка болница ги доби потребните регулатори за боците за медицински кислород.
Како што изјави за МИА директорот на Болницата, Ален Ѓеорѓијев, регулаторите се добиени денеска од страна на општествено-одговорни компании.
Болницата поради распишаните избори за градоначалник на Општина Штип на 13 декември не може да реализира итни јавни набавки за медицински материјали, лекови и се што е потребно во битката за пандемијата. Во овој случај помогнаа општествени одговорни компании.
Ѓеорѓијев информираше дека Кожното одделение, кое од синоќа почна да ги прима ковид пациенти со полесна клиничка слика, веќе во него се сместени осум и остануваат два слободни кревети.
На Инфективното одделение утрово беа хоспитализирани 52 пациента со потешка клиничка слика од целиот источен регион. Половина од пациентите се со повремена кислородна поддршка. Во изминатото деноноќие не е регистриран починат пациент.
МИА/Фото: Општина Штип