еМагазин
Image default
Македонија

Kривична пријава за скопјанец кој на Фејсбук му се заканувал на Заев

Шеесет и седумгодишен скопјанец заработи кривична пријава поради објавен коментар на Фејсбук со заканувачка содржина кон премиерот Зоран Заев.

– Секторот за компјутерски криминал и дигитална форензика поднесе кривична пријава против В.З. (67) од Скопје, за сторено кривично дело „загрозување на сигурноста“ по пат на информатички систем. На 25.07.2019 година, на социјалната мрежа Фејсбук пријавениот, преку своето корисничко име, објавил коментар со заканувачка содржина кон премиерот на Република Северна Македонија, соопшти МВР.

Премиерот Зоран Заев на 25 јули од собраниската говорница информира дека ја пријавил во МВР заканата, која во порака на социјалните мрежи била напишана во коментар по прес-конференцијата со еврокомесарот за проширување Јоханес Хан.

-Само куршум за тебе копиле, кој со мерак ќе ти го свирнам без око да ми трепне, гласела пораката која Заев ја прочита од својот мобилен телефон пред пратениците во Собранието.

Заев кажа дека се знае идентитетот на човекот кој ја напишал пораката и оти случајот е пријавен во МВР.

МИА

ПОВРЗАНИ ВЕСТИ

Заев пријавил во МВР закана за „куршум во глава“ во коментар на социјалните мрежи по пресот со Хан

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Поради отсуство на Шабани, „Тендери“ на СЈО одложено за 9 ноември

Редакција

Апелацискиот суд ја одби жалбата: Орце Камчев останува без пасош

Редакција

РКЕ: Во следните две недели да не се исклучуваат потрошувачите на струја, вода и парно поради неплатени сметки

Редакција