Во првото полугодие Лотарија на Македонија АД Скопје оствари позитивен финансиски резултат искажан во неревидираниот Биланс на успех во износ 1.210 илјади денари, што претставува намалување за 60% споредбено со 2022 година, информираат од таму преку Македонската берза.
-Кај оперативната добивка во износ од 1.261 илјади денари споредбено со минатата година има намалување од 64%.
Остварените вкупни приходи за период 01.01.- 30.06.2023 година, во висина од 13.227 илјади денари, бележат намалување во однос на остварените приходи во 2022 година. Во структурата на вкупните приходи најголемо учество од 99,37% имаат оперативните приходи, додека финансиските приходи претставуваат 0,63% од вкупните приходи.
Зголемување од 9% бележат вкупните расходи, кои за период јануари – јуни 2023 година изнесуваат 11.883 илјади денари. Оперативните расходи се зголемени за 9%, а финансиски расходи нема, велат од таму.
ПОВРЗАНИ ВЕСТИ
Драган Наков избран и за претседател на Управниот одбор на Лотарија на Македонија
Штерјо Наков и Драган Наков избрани за членови на Одборот на директори на Лотарија на Македонија