Македонците кои живеат во Бугарија денеска ја чествуваа 107-годишнината од смртта на Јане Сандански, а не бугарската потпреседателка Илјана Јотова, која во Битола изјави дека не гледа Македонци во Бугарија и порачаа дека требало да дојде во Мелник за да ги види.
„Бугарската вицепретседателката Илјана Јотова требаше да дојде денес во Мелник на семакедонскиот собор организиран од 7 организации на бугарски државјани со македонска самосвест, за да ги види стотиците Македонци кои наспроти дождот сепак дојдоа да му оддадат почит на Јане Сандански. Да ги види Македонците во Бугарија за кои ниту чула ниту видела.
Истите оние кои нејзината држава некогаш ги признавала. Истите оние, кои нејзината држава со децении ги дискриминира. Истите оние кои веќе 32 години се мачат да регистрираат организации и партии во Бугарија. Истите оние зарад кои Бугарија е веќе 14 пати осудена во Стразбур.
Истите оние за кои пишуваат сите меѓународни извештаи за правата на човекот за Бугарија, вклучително последниот на Стејт департманот.
Истите оние кои повеќе од деценија попусто бараат средба со нејзиниот шеф – претседателот на Бугарија, кој ниту наоѓа време да ги прими, а ниту да им одговори. Можеби треба да го праша Румен Радев, или заедно да прашаат во канцеларија или архива, кој таму ги крие писмата на овие Македонци та бугарскиот вицепретседател да не знае ништо за нив„, стои во соопштенито на организаторите на семакедонскиот собор.
Фото: Јотова/Фејсбук