Владата донесе одлука за изменување на одлуката за испраќање на припадници на Армијата на Македонија за учество во НАТО операцијата „КФОР“ во Република Косово.
Со одлуката, како што соопшти владината прес-служба, е предвидено зголемување на учеството на припадниците на Армијата на Македонија во операцијата „КФОР“ во Косово со дополнително испраќање на еден вод од 35 лица.
Одлуката, како што велат од таму, е донесена врз основа на препораките на високите воени претставници во НАТО и заклучоците донесени на состанокот на началниците на Генералштабовите на земјите членки на иницијативата за соработка во одбраната, а со цел зајакнување на безбедноста и сигурноста на Косово.
За учество во НАТО операцијата се испраќаат 70 припадници на Армијата за период од шест месеци, сметано од ноември 2023 до мај 2024 година.
Со оваа измена на Одлуката, вкупниот број со кој ќе учествуваме во операцијата „КФОР“ во Косово ќе изнесува 101 припадник на Армијата на Македонија.
Фото: АРМ