На престојното Собрание на акционери на Макпетрол АД Скопје една од предлог-одлуките е и распредлба на добивката од минатата година, соопшти компанијата преку Македонската берза.
-Тековната добивка за 2022 година во износ од 1.290.959.428 денари се распоредува на: дел за задолжителна општа резерва – 64.547.971 денари, дел за исплата на дивиденда – 333.775.200 денари, дел за посебни резерви за стекнување сопствени акции со откуп – 300.000.000 денари, дел за исплата на членовите на Управниот одбор – 30.620.000 денари, дел за исплата на раководните лица – 8.450.000 денари, дел за исплата на вработените -110.000.000 денари, дел за инвестиции – 300.000.000 денари, дел за пренос на добивката во наредната година – 143.566.257 денари, соопшти компанијата.
Износот на дивидендата по акција е 3.300 денари бруто, што е најголема сума по вредност намената за таа цел од сите компании кои котираат на Берзата.
ПОВРЗАНИ ВЕСТИ
Макпетрол лани двапати ги зголемил платите на вработените
Макпетрол лани со добивка и раст на приходите за 67,29%