Анализата на податоците за заболените од корона вирусот која на дневна основа ја прави Институтот за јавно здравје (ИЈЗ), заклучно 11. април, покажува нов раст на кумулативната инциденца во Куманово.
Кумулативната инциденца го покажува бројот на заболени на 100.000 жители и е една од причините зошто централната власт досега не дозволи затворање на Куманово, по примерот на Дебар, иако локалната власт постојано го бара истото.
“Највисока кумулативна инциденца на 100.000 жители е регистрирана во Дебар со 176,5 заболени на 100.000 жители, во Куманово инциденцата на 100.000 жители е 140,2, додека инциденца над 40 на 100.000 жители е регистрирана во Скопје, Штип, Прилеп, Кочани, Велес и Струга“, стои во анализата на ИЈЗ.
До 10. април таа во Куманово беше 127,6, до 9. април, 117,7, до 8. април,100,2, до 7. април, 91,1, до 4 и 3. април, според податоците на ИЈЗ, беше 65,2.
Како изгледа состојбата по другите градови погледнете на мапата:
ПОВРЗАНИ ВЕСТИ
Нов раст: 117 здравствени работници во Македонија заразени со коронавирусот
Убава вест: Излечени 41 лице од Ковид-19 во Македонија
(Табела) Најмногу заразени со Ковид-19 во Скопје, Куманово, Дебар, Штип и Прилеп
Фото: Општина Куманово/мапа: ИЈЗ