еМагазин
Image default
Македонија

Министерство за правда: Амандманите на ВМРО-ДПМНЕ пристигнаа по ТВ-дуелот

Амандманите за законот за јавно обвинителство на ВМРО-ДПМНЕ пристигнале до Министерството за правда по завршувањето на ТВ дуелот меѓу премиерот Зоран Заев и претседателот на опозициската ВМРО-ДПМНЕ, Христијан Мицкоски.

-Вчера вечерта по завршувањето на ТВ дуелот пристигнаа амандманите до министерката Дескоска, потврдија утрово за МИА од Министерството за правда.

Мицкоски вчера на ТВ дуелот кажа дека ВМРО-ДПМНЕ до Министерството за правда и до меѓународната заедница доставила 65 амандмани, откако Министерството претходно ги прифатило принципите што го побара ВМРО-ДПМНЕ – правда за секого и сите, меѓународни правила и прописи инкорпорирани со сето значење и почитување на човековите права согласно принципите на Судот во Стразбур, ЕК и Венецијанската комисија.

Од Министерството за правда вчера информираа дека до крајот на работното време не ги добиле амандмани од ВМРО-ДПМНЕ за Предлог-законот за јавно обвинителство, кои лидерот на партијата кажа дека биле доставени неколку часа пред тв дуелот со Заев.

До крајот на работното време, како што посочија за МИА од Министерството, 65 амандмани во тврда корица не добиле нивните служби.

Заев истакна дека пред емисијата не бил информиран за тоа и најави дека ќе прифати се што не подразбира заштита на криминал и е согласно Уставот и законите.

Министерката за правда Рената Дескоска на својот Фејсбук напиша дека на ВМРО-ДПМНЕ часовникот им им доцни најмалку четири часа.

-На вистинско место – на театар, додека надвор се случувала вистинска драмолетка околу амандманите. Денеска ВМРО-ДПМНЕ два пати покажа дека живеат во паралелна реалност: прво тврдеа дека сме прифатиле нешто што никогаш не сме им прифатиле. Вечерва тврдеа дека доставиле во пишана форма амандмани во Министерството, па потоа рекоа дека пратиле на мејл. Ама дознавме и дека не живеат само во паралелна реалност, туку и саатот им доцни – најмалку 4 часа. Но, според постапките изгледаат изгубени и во времето. Само не ми е јасно зошто им требаше целата оваа драмолетка?!“, напиша Дескоска.

Од ВМРО-ДПМНЕ синоќа преку соопштение ја повикаа министерката Дескоска да го отвори маилот и да каже дали добила или не порака од претседателот на Комисијата за правни работи на ВМРО-ДПМНЕ, Тони Менкиноски

-Ја повикуваме Рената Десковска да го отвори сопствениот маил и да каже дали добила или не порака од претседателот на Комисијата за правни работи на ВМРО-ДПМНЕ, Тони Менкиноски точно во 16 часот 19 минути и 16 секунди?, се наведува во соопштението од ВМРО-ДПМНЕ.

МИА

ПОВРЗАНИ ВЕСТИ

ВМРО-ДПМНЕ: Предлог-амандманите за Законот за јавното обвинителство се поднесени, Дескоска да го провери мејлот

Министерство за правда го демантира Мицкоски: Амандмани за Законот за јавно обвинителство не се доставени

ВМРО-ДПМНЕ доставила 65 амандмани за законот за СЈО

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Николоски: Го разрешвиме Јанчев заради несогласувања, не за поткуп на пратеници

Никола Осило

12 пациенти со коронавирусот со потешка клиничка слика, од нив 5 се поставени на механичка вентилација

Редакција

Продолжува судењето за „Траекторија“

Редакција