Денеска во Скопје за да не убедуваат за уставните измени доаѓаат министрите за Европа на Германија, Франција и Полска.
Во Скопје доаѓаат министерката за Европа на Сојузна Република Германија, Ана Лирман, државната секретарка задолжена за Европа при Советот на министри на Република Франција, Лоренс Бун и Шимон Шинковски вел Сенк, министер за ЕУ на Република Полска, познати како „Вајмарска тројка“, а домаќин ќе им биде вицепремиерот за европски прашања, Бојан Маричиќ.
Како што информираа од Секретаријатот за европски прашања (СЕП), Маричиќ ќе одржи работен состанок со „Вајмарската тројка“, а тема на разговор ќе бидат преговорите со ЕУ, со фокус на исполнувањето на обврските и задачите кои произлегуваат од преговарачката рамка и забрзувањето на евроинтеграцискиот процес, по што ќе имаат заедничка прес-конференција.
Во рамки на посетата „Вајмарската тројка“ ќе се сретне и со премиерот Димитар Ковачевски, со претседателот Стево Пендаровски, со претседателот на Собранието, Талат Џафери и со координаторите на пратеничките групи.
Како што е најавено, утре Лирман ќе учествува и на настанот на тема: „Подготовка за проширување на ЕУ“, што го организира СЕП, во соработка со Институтот за европска политика (ЕПИ).
Претходната недела за истата цел беа шефовите на дипломатиите на Австрија, Чешка и Словачка.
ПОВРЗАНИ ВЕСТИ
Наместо гаранции, предупредување од ЕУ за изолација на Македонија ако не ги усвои уставните измени
Ивор Мицковски: Пресмешни се европските предупредувања за изолација
Твитер реакции за предупредувањето од ЕУ за изолација ако не се усвојат уставните измени
Фото: Кабинет на претседателот